Raudkan!

Hið ljúfa líf

þriðjudagur, desember 04, 2007

long tæm...

Hef ekkert nennt að blogga... engin ástæða sosem almennt
En... eldhús! Tilbúið og fullkomið! :D Finnst ekkert skemmtilegra en að elda núna, baka og gera aðra hluti í eldhúsinu :)
Sem hefur kannski sést af því kökumagni sem hefur verið bakað á mínu heimili síðan ég kom heim frá þýskalandi og vígði eldhúsið.... :P
Hef hins vegar lítið eldað... mest vegna þess hvað er mikið að gera, og gabríel er í sundtímum á hallærislegum tímum þ.a. við kaupum yfirleitt bara devitos 2x í viku...
en ég þarf að fara að bjóða fólki í mat :) Svona þegar hægir á
Annars fór ég til þýskalands í mánuð, kom heim og byrjaði strax að sulla þ.a. ég hef ekki verið á mínu "heimalabbi" í alltof langan tíma... farin að sakna hljóðanna úr REMPI tækinu :)

Spurning: hvort er labb karlkyns eða hvorukyns?

laugardagur, ágúst 11, 2007

eldhús

Fór í fyrradag og kaupti eldhús - labbaði inn í bræðurnir ormsson og borgaði með debet kortinu mínu nýja eldhúsið mitt... leið soldið illa í kortinu eftirá en ég veit þetta verður tímamóta-breyting hjá okkur gabríel að fá almennilegt eldhús og fyrir mig að fá herbergi!
Hlakka til þegar þetta verður allt tilbúið. Ekkert mikið sem þarf að gera - fólk virðist vera að mikla þetta fyrir sér, en ég er alveg á því að það að gera nýtt eldhús sé bara nokkuð einföld og straight forward vinna

ég skal skrifa aftur þegar það er komið upp og segi mína skoðun á því þá, þegar ég er búin að sjá hversu mikil vinna það er ;)

semsagt, ég býð ekki í gettogether fyrr en eldhúsið er komið í stand og ég er flutt inn í herbergið :)
Þá verður stofan líka stærri þ.a. það verður pláss fyrir meira fólk. Þar sem rúmið verður farið úr stofunni.

miðvikudagur, júlí 04, 2007

Kominn tími til að blogga á ný...

Jæja!
Sit hér, eftir rauðvíns og súkkulaðikvöld með Kristínu Maríu..
ég er komin í sumarfrí - fyrsta sumarfríið mitt síðan ég var 12 ára... það eru komin 10 ár síðan!
Ég hef ákveðið að í þessu sumarfríi sé aðal markmiðið að læra að slappa af, njóta mín með Gabríel syni mínum og aftur - SLAPPA AF!
Þeir sem þekkja mig vita líklegast að ég á frekar erfitt með að slappa af... Henning kenndi mér vel þar... góða leiðin til að slappa af er að drekka gott te eða rauðvín og borða súkkulaði í góðum félagsskap :)
Í sumarfríinu mínu ætlaði ég líka að búa til eldhús í stofunni minni og svefnherbergi í eldhúsinu mínu.... þar sem ég byrjaði að skipuleggja það í gær og vonaðist til að það væri hægt á einum degi mun það líklegast taka aðeins lengri tíma en sumarfríið sjálft. Það virðist vera sem allir píparar í bænum séu með verkefnafjölda ávið þrjá og það er ómögulegt að ná í rafvirkja... nema náttúrulega Magga félaga úr BEST eða mágana mína tvo... þeir eru bara svo uppteknir með fjölskyldunni og svona.

Slappa af... að slappa af er bara erfitt! Í dag vöknuðum við seint, horfðum á vídjó, klæddum okkur og fórum útí garð að leika. Svo þurftum við að mæta í afmælisveislu hjá frænda, fara heim, baka brauð og fara að sofa... þetta mundi vera dagurinn minn í dag... að njóta sín er vinna, að finna útúr því hvað maður vill gera til að fá sem mest útúr deginum án þess að reyna of mikið á sig!

En það sem er merkilegt er það að hverfið mitt er mjög vingjarnlegt! Hér er ég, ung einstæð móðir - ekki félagskapurinn sem fólk sækist eftir endilega. En í hverju einasta húsi í götunni minni eru barnafjölskyldur. Í hverjum einasta garði eru börn úti að leika. Mér líður eins og ég sé í "neighbours" þætti - þar sem allir þekkjast og eru vinir. Ég er búin að kynnast fólkinu við hliðina á mér (báðar hliðar, allar hæðir - ú, gæti hljómað klúrt.... já, ég er í glasi!) fólkinu fyrir ofan mig... fólkinu aðeins neðar í götunni þ.a. þegar þau labba framhjá garðinum sé ég þau og heilsa og spjalla í svona korter...
Við Gabríel og mæðgurnar fyrir ofan mig grilluðum saman í síðustu viku útí garði, á laugardaginn grilluðum við með fólkinu við hliðiná okkur og borðuðum hjá mér, í dag vorum við Gabríel og Embla og Særós (fyrir ofan) útí garði og svo pössuðum við 6 mánaða son nágrannana í smá stund á meðan mamman skrapp í burtu... þetta er ekkert eðlilegt!
Eða... er þetta eðlilegt? Er það svona sem fólk ÆTTI að vera? En íslendingar eru svo ógeðslega latir og lokaðir að þeir talast ekki við? Eru íslendingar svona einbeittir að eigin lífi a ð þeir sjá ekki fólkið í kringum sig? Þeir sjá ekki fólkið sem býr fyrir ofan þá? við hliðina á þeim?
Ég hef aldrei vitað til þess að foreldrar mínir hafi talað eithvað sérstaklega við nágrannana okkar... er þetta kannski ný kynslóð að myndast? Kynslóðin sem er opnari fyrir því að tala við fleiri en bara nánustu vini og ættinga? Kynslóðin sem finnst bjórinn vera sjálfsagður hlutur? Kynslóðin sem er að verða meira alþjóðavædd og þar af leiðandi tilbúnari til að kynnast fólkinu í kringum sig?

ok... góð pæling, en ALLTOF langt blogg... spurning hvort einhver nenni að lesa það allt... e´g er í glasi... en ég er líka ánægð.
Mér þykir ekki bjórinn vera sjálfsagður hlutur, en mikið ótrúlega er ég glöð að hafa ekki þurft að upplifa bjórskortinn sem var fyrir 89.
Mér þykir líka vera sjálfsagður hlutur að tala við nágrannana mína, og spjalla við fólk útá götu. Ferðast og tala við ókunnuga á börum (ef ég hef engan annan til að tala við) eða bara fara á bar og fá mér einn bjór ALEIN!

mánudagur, júní 11, 2007

Ég er með marbletti...

Ég er með amk 20 marbletti á fótunum! Ég taldi um daginn 21 og það er búið að bætast við síðan þá (örugglega einhverjir búnir að fara líka en það er aukaatriði).
Skil þetta hreinlega ekki því ég man ekkert eftir að vera að reka mig svona mikið í (reyndar er ég mjög gleymsk þ.a. það gæti útskýrt hluta af þessu)!
Þekkir einhver þetta vandamál? Að vera alltaf að reka sig utan í og fá marbletti - en muna svo ekki afhverju? Þetta er ótrúlega ljótt verð ég að viðurkenna...

held að hluti af þessu sé vegna hjólsins - er farin að hjóla og er alltaf eithvað að reka mig í þegar ég fer á "bak" og af...

laugardagur, júní 02, 2007

heimurinn snýst í undarlega marga hringi þessa dagana

Fór á djammið í gær, drakk slatta og kom heim kl 4 í nótt...

11.45 Hringdi ester og sagðist vera á leiðinni að sækja mig... ó sjitt hvað ég svaf lengi! Gerði mig til á 10 mínútum þ.a. við urðum aðeins seinar

SALSAKÚRS!!!
Ótrúlega skemmtilegt, einu gallarnir við þetta er að þegar maður er þunnur og ekkert búinn að borða er ekkert rosalega gott að láta snúa sér í ótal hringi á rosalegum hraða!

og núna sit ég heima, södd, með blöndu 20 mismunandi rakspíra á fötunum mínum - rakspírar allra þeirra sem ég dansaði við
er að spá í að leggja mig aftur...

Flokkar: salsa